Category: Dünya

Almaniyanın müxtəlif bölgələrində yağan qar həyatı da dondurub. Əlverişsiz hava şəraiti səbəbindən bir çox reyslər ləğv edilib, bəzi yerlərdə məktəblər bağlanıb. Münhen hava limanı özünün “X” hesabında verdiyi açıqlamada gecə boyu yağacağı gözlənilən yağışın və şaxtanın həddindən artıq buzlaşmaya səbəb olacağını, buna görə də yerli vaxtla saat 12:00-a qədər bütün uçuşların ləğv edildiyi bildirib. Gündə 770-dən çox qalxıb-enmənin həyata keçirildiyi hava limanında hərəkətində fasilələr yaranan uçuşların sayının ilkin mərhələdə təxminən 330 olduğu qeyd edilib. Bavariyanın əksər hissəsində qışın şiddətli başlaması ilə əlaqədar hava nəqliyyatında məhdudiyyətlər yaranıb və yüzlərlə sərnişin hava limanında çarəsiz…

Read More

Pakistanın şimal-qərbindəki Pişəvər şəhərində törədilən partlayış nəticəsində üçü uşaq olmaqla azı altı nəfər yaralanıb. Hadisə yerində ilkin araşdırma aparan hüquq-mühafizə orqanları hadisənin baş verdiyi yolun yaxınlığındakı sement blokunun altında dörd kiloqram partlayıcının gizlədildiyini müəyyən ediblər. Zərərçəkənlərin hamısı xəstəxanaya yerləşdirilib, onların arasında 7-10 yaş arası uşaqlar da var, onlardan ikisinin vəziyyəti ağır qiymətləndirilir. Partlayış nəticəsində qonşu binaların və bir neçə avtomobilin şüşələri sınıb. Polis yaxınlıqdakı ərazilərdə əməliyyat-axtarış tədbirlərinə başlayıb. Mənbə: Geo News

Read More

İran-Ağrı avtomobil magistralında zəncirvari yol-nəqliyyat hadisəsi baş verib. Yoncalı kəndi ərazisində biri Diyadin bələdiyyəsinə məxsus olmaqla sərnişinlərlə dolu üç mikroavtobus, yük maşını, yüngül ticarət avtomobili, minik avtomobili və yol polisi avtomobili toqquşub. Qəzada 19 nəfər xəsarət alıb. Hadisə yerinə polis, tibbi yardım, jandarma, Türkiyə Fövqəladə Halların İdarə Edilməsi Agentliyi (AFAD) və xilasetmə qrupları göndərilib. Yaralılar Ağrı Təhsil və Araşdırma Xəstəxanasına aparılıblar. Qəza yeri dronla görüntülənib. Nəqliyyatın hərəkəti yardımçı yol vasitəsilə təmin edilib, əzilmiş avtomobillərin yoldan çıxarılması işləri davam etdirilir. Qəzanın duman səbəbindən baş verdiyi bildirilir.   Mənbə: Anadolu

Read More

İtaliyalı həkimlər ölkədə “mycoplasma pneumoniae” bakteriyasının törətdiyi pnevmoniyaya ilk yoluxma hallarını müəyyən ediblər. Bu barədə İtaliya Ali Sağlamlıq İnstitutu xəbər verib. Qurumun məlumatına görə, xəstəlik Peruca şəhərində respirator əlamətləri ilə xəstəxanaya yerləşdirilən iki uşaqda təsdiqlənib. Bununla belə, institut “mycoplasma pneumoniae” patogeninin uzun müddətdir cəmiyyətdə dolaşdığını və qlobal miqyasda pnevmoniya hallarının 10-20%-nə səbəb olduğunu vurğulayıb. Qeyd edək ki, bundan əvvəl Çin, ABŞ, Danimarka, Fransa, Niderland və Almaniya vətəndaşları arasında mikoplazma pnevmoniyasının yayıldığı xəbəri verilmişdi. Xəstəlik əsasən 5-12 yaşlı uşaqlara təsir göstərir. “Mycoplasma pneumoniae” xəstələrdə bir neçə həftə davam edən öskürəyə səbəb olur.…

Read More

Moskvaya 145 ilin ən güclü qarı yağıb. APA-nın Rusiya bürosu xəbər verir ki, dekabrın 2-dən başlayaraq iki gün davam edən qar Rusiya paytaxtının bəzi rayonlarında həyatı iflic edib. Dekabrın 3-də düşən yağıntının miqdarına görə gündəlik rekord müəyyən edilib. Bəzi yerlərdə qarın hümdürlüyü 36 sm-i keçib. Adətən bu cür yağıntının dekabr ayı üçün deyil, fevral ayı üçün xarakterik olduğu bildirilib. “Fobos” meteoroloji mərkəzinin aparıcı mütəxəssisi Yevgeni Tişkovets qar yağmasının səbəbinin 2-3 ildə bir dəfə əmələ gələn nadir atmosfer burulğanı olan Oliver siklonu olduğunu bildirib. Ekspertin proqnozuna görə, 24 saat ərzində paytaxtda…

Read More

Rusiyanın Sibir bölgəsində yerləşən Yakutiyada temperatur mənfi 56 dərəcəyədək düşüb. Redaktor.az xəbər verir ki, bu barədə Rusiya Milli Meteorologiya Xidməti məlumat yayıb: “Dekabrın ilk həftəsində Rusiyanın Avropa hissəsində, Ural və Sibir bölgələrində şaxtanın artacağı gözlənilir”. Bildirilib ki, Moskvada qarın qalınlığı 35 santimetrə çatıb. Hətta Moskvanın bəzi hava limanlarında uçuşlar təxirə salınıb. Vurğulanıb ki, bu həftə Moskva və ətraf bölgələrdə havanın temperaturunun təxminən mənfi 20 dərəcəyə düşəcəyi təxmin edilir.

Read More

Voronej vilayətində yük maşını Rusiya Milli Qvardiyasının karvanına çırpılıb. Hadisə nəticəsində azı bir nəfər həlak olub. Qəzaya səbəb kimi yük maşınının sürücüsünün sükan arxasında yuxulaması göstərilir. O, hadisə yerində keçinib. Bundan başqa Milli Qvardiyanın beş əməkdaşı müxtəlif dərəcəli bədən xəsarətləri alıb.   Mənbə: 360TV.ru

Read More

Bu ilin noyabr ayında Rusiyanın taxıl ixracı 4,017 milyon ton təşkil edib. Rusiya Taxıl İttifaqının monitorinqinə əsasən, bu, ötən ilin müvafiq dövrü ilə müqayisədə 37 faiz azdır. Birliyin analitik departamentinin direktoru Yelena Türinanın İnterfaks-a verdiyi məlumata görə, aylıq həcmlərin azalması mövsümün əvvəlindən (2023-cü il iyulun 1-dən) ilk dəfədir ki, baş verib. Buğda ixracı 44 faiz azalaraq 3,1 milyon tona, arpa 42 faiz azalaraq 334 min tona düşüb. Eyni zamanda qarğıdalı ixracı 2,2 dəfə artaraq 518 min ton təşkil edib. Noyabr ayında çovdar və yulaf ixracı qeydə alınmayıb, halbuki ötən ilin…

Read More

Sabah Ankarada Türkiyə və Ukrayna arasında regional məsələlər üzrə siyasi məsləhətləşmələr aparılacaq. Bu barədə Türkiyə mediası ölkədəki diplomatik mənbələrə istinadən məlumat yayıb. “5 dekabr 2023-cü il tarixində Türkiyə Xarici İşlər Nazirinin müavini, səfir Burak Akçapar və ukraynalı həmkarı Yevgeni Perebiynisin rəhbərlik etdiyi nümayəndə heyətləri arasında ikitərəfli və regional məsələlərə dair siyasi məsləhətləşmələr baş tutacaq”, – məlumatda bildirilir. Mənbə: Haber.Club

Read More

Rusiyanın Şimal Donanmasının 14-cü Ordu Korpusunun komandirinin müavini, general-mayor Vladimir Zavadski Ukraynadakı müharibə əməliyyatları zamanı həlak olub. Bu barədə Voronej vilayətinin qubernatoru Aleksandr Qusev özünün “Telegram” kanalında paylaşım edib. “Şimal Donanmasının 14-cü Ordu Korpusunun komandirinin müavini general-mayor Vladimir Zavadski müharibə zonasında döyüş postunda həlak olub. 2021-ci ilin avqust ayına qədər o, Voronej vilayətinin sakinlərinin xüsusi rəğbətini qazanmış Qırmızı Bayraqlı 4-cü Qvardiya Kantemirov Tank Diviziyasına komandirlik edib”, – deyə o, paylaşımda qeyd edib. Qusev, həmçinin Zavadskinin ailəsinə və yaxınlarına başsağlığı verib.

Read More