Category: Dünya

Nepalda baş verən zəlzələ nəticəsində azı 157 nəfər ölüb, 170 nəfər yaralanıb. Məlumata görə, dağıntıların böyük hissəsi zəlzələ nəticəsində əlaqə kəsilən ucqar dağ yaşayış məntəqələrində baş verib, ona görə də qurbanların sayı arta bilər. Baş nazir Puşpa Kamal Dahal 105 nəfərin həlak olduğu Cayarkot bölgəsinə səfər edib. Onunla birlikdə bir qrup həkim və hərbçi xilasetmə əməliyyatında iştirak etmək üçün hadisə yerinə gəlib. Səfərdən sonra baş nazir bütün siyasi partiyaları, eləcə də ictimai təşkilatları zərər çəkmiş rayonların sakinlərinə kömək etməyə çağırıb. Mənbə: TASS 07:12 Nepalın qərbində baş verən 6,4 maqnitudalı zəlzələ…

Read More

Rusiya Prezidenti Vladimir Putin ölkənin İctimai Palatasının yeni tərkibilə görüş keçirib. Kadrlar sosial şəbəkələrdə yayılıb. Görüş zamanı dövlət başçısı tatarıstanlı din xadiminin “Hörmətli Vladimir Vladimiroviç, assalamu aleykum!”, – müraciətinə “Aleykum assalam!”, – deyərək cavab verib. Daha sonra Putin bildirib ki, SSRİ dövründə indiki qədər məscid tikilməyib. “Müasir Rusiyada sovet dövründəkindən daha çox məscid tikilib. Ərəb həmkarlarım Rusiyada 8 min məscidin tikildiyinə inanmırlar”, – deyə o bildirib. Prezidentin sözlərinə görə, bu rəqəm fantastik görünür, lakin tikinti davam edəcək. “Bu, dövlət üçün vacibdir və biz bunu dəstəkləyəcəyik”, – deyə prezident vurğulayıb.  

Read More

Alimlərin fikrincə, Meksikanın Sakit okean sahillərini vuran və Akapulko şəhərini dağıdan, Qərb yarımkürəsinin ən güclü tropik siklonu sayılan “Otis” qasırğası yaxın gələcəkdə Yer kürəsini gözləyən fəlakətlərin xəbərçisi ola bilər. Tədqiqatçılar deyirlər ki, “Otis” bir neçə saat ərzində adi fırtınadan 5-ci kateqoriyaya, ən dağıdıcı qasırğaya çevrilərək bütün intensivləşmə rekordlarını qırıb. Bu fakt alimləri belə qənaətə gətirib ki, qlobal iqlim dəyişikliyi təbii fəlakətlərin inkişafına çox mənfi təsir göstərir və onların proqnozlaşdırılmasını çətinləşdirir. Təbii fəlakətlərin tədqiqi üzrə ixtisaslaşmış Şərqi London Universitetinin əməkdaşı Ravindra Cayaratne əmindir ki, fırtına və qasırğaların inkişafını proqnozlaşdırmaq mümkündür, lakin…

Read More

“Əgər anklavlar məsələsinin hüquqi əsası varsa, ikitərəfli razılaşmalarda qeydiyyata və xəritəyə alınıbsa, bu mövzu Ermənistan və Azərbaycan sərhədlərinin delimitasiya və demarkasiyası çərçivəsində müzakirə ediləcək”. Ermənistan mediasının məlumatına görə, bunu ölkə parlamentinin sədr müavini Akop Arşakyan noyabrın 2-də jurnalistlərə açıqlamasında bildirib. Onun sözlərinə görə, hər iki tərəfin istifadə edə biləcəyi xəritələr mövcuddur. “Ermənistan və Azərbaycan öz ərazi bütövlüyünün qarşılıqlı tanınması məsələsinə aydınlıq gətirməli, bunu yazılı şəkildə qəbul etməlidir”, – Arşakyan vurğulayıb.

Read More

Roma Papası Fransisk dünyada “qaranlıq dövrün” gəldiyini bəyan edib. O, münaqişələrin qızışmasına və qaranlıq zamanların gəlməsinə səbəb kimi hərbi sənaye və silahlanmanı göstərib. Pontifik hesab edir ki, dünya müharibə vəziyyətindədir və bunun günahkarı gəlirli hərbi sənayedir. Roma Papası, həmçinin İsrail və Fələstini dinc yanaşı yaşamağa çağırıb. Onun fikrincə, bütün məsələlərin həllinə dialoq vasitəsilə nail olunmalıdır. “Müharibə – məğlubiyyətdir. İki xalq bir yerdə yaşamalıdır”, – deyə o qeyd edib. Papanın sözlərinə görə, müdrik qərar verilməlidir və bu qərar “İki xalq, iki dövlət”dir. Mənbə: MK.ru

Read More

Türkiyə Mərkəzi Bankı 2023-cü ilin sonu üçün inflyasiya proqnozuna düzəliş edərək 65%-ə qaldırıb. Bu barədə tənzimləyicinin rəhbəri Hafize Gaye Erkan açıqlama verib. Onun sözlərinə görə, Mərkəzi Bank əvvəllər inflyasiyanı 58% proqnozlaşdırmışdı. Dəyişiklik son aylarda inflyasiyanın gözləntiləri üstələməsi ilə əlaqədardır. Bununla belə, Erkan qeyd edib ki, pul siyasətinin sərtləşdirilməsinin təsiri getdikcə özünü göstərir. O, inflyasiyanın azaldılması prosesinin 2024-cü ilin ikinci yarısında başlayacağını gözləyir. Türkiyə Mərkəzi Bankı 2024-cü il üçün inflyasiyanı 36%, 2025-ci il üçün 14% səviyyəsində proqnozlaşdırır. 2023-cü il üçün proqnozlar diapazonu 62-68%, 2024-cü il üçün 30-42% təşkil edir. Mənbə: Capital.com.tr

Read More

Qurudulan Urmiya gölündən daha bir dəhşətli görüntü yayılıb. Bu barədə “Azad İran” “Telegram” kanalı xəbər verib. Kadrlardan görünür ki, İran hökuməti tərəfindən qurudulan Urmiya gölündən geriyə yalnız qum və duz qalıb. Qeyd edək ki, bundan əvvəl də Güney Azərbaycanın incisinin acınacaqlı vəziyyəti barədə kadrlar yayılmışdı.  

Read More

Rəsmi İrəvan ilk dəfə olaraq Kiyevin təşəbbüsü ilə Ukraynanın “sülh formulunu” təbliğ etmək üçün keçirilən toplantıda iştirak edib. Rusiya Xarici İşlər Nazirliyi bunu nümayişkaranə şəkildə anti-Rusiya jesti kimi qiymətləndirir. Bu barədə Rusiya XİN rəsmi nümayəndəsi Mariya Zaxarova bəyan edib. “Təəssüf ki, Ermənistanın hazırkı rəhbərliyi israrla bizim müttəfiqlik münasibətlərimizi məhv edir”, – deyə o bildirib. Mənbə: News.ru

Read More

Ermənistan Rusiyanı Beynəlxalq Cinayət Məhkəməsinin Roma Statutunun tələblərindən yan keçəcək dövlətlərarası saziş imzalamağa dəvət edib. Bunu parlament sədrinin müavini, baş nazir Nikol Paşinyanın “Vətəndaş Sazişi” partiyasının İdarə Heyətinin üzvü Akop Arşakyan brifinqdə deyib. “Roma Əsasnaməsinin ratifikasiyasına bir neçə ay qalmış biz Rusiyanı ikitərəfli saziş imzalamağa dəvət etdik ki, dövlətlərarası hüquqi münasibətlərimiz beynəlxalq strukturlarda yoxlanılmasın, ratifikasiya əlaqələrimizə təsir etməsin. Əslində, hələ cavab almamışıq, amma Roma Statutunun qüvvəyə minməsinə hələ çox vaxt var. Hüquqi baxımdan bizim iki ölkəyə toxunan məsələlərlə bağlı beynəlxalq məhkəmə qərarlarının tətbiqini istisna edən sazişimiz ola bilər”, – deyə…

Read More

Ermənistan Milli Təhlükəsizlik Xidməti partlayış törətməyə və hökumət binalarını ələ keçirməyə hazırlaşan cinayətkar dəstəni zərərsizləşdirib. İstintaqın məlumatına görə, beş nəfər və hələlik şəxsiyyəti müəyyənləşdirilməmiş daha bir neçə adam dövlət qurumlarının işinə bu yolla müdaxilə etmək istəyib. “Severnıy Listopad” (“Şimal xəzanı”) adlı qrupun üzvlərində odlu silah, döyüş sursatı, xəbərdaredici raket qurğusu, dron aşkar edilib. Onların terror aktlarının keçirilməsinə adamları cəlb etmək üçün “Telegram” kanalları yaratmağı, öz ailə üzvlərini isə Gürcüstana aparmağı planlaşdırdıqları deyilir. Mənbə: Sputnik Ermənistan

Read More