Yad kişi ilə şəkillərini tapıb həyat yoldaşına 18 bıçaq vurdu — DƏHŞƏTLİ QƏTLİN TƏFƏRRÜATI
Bakı Ağır Cinayətlər Məhkəməsində xəyanət üstündə arvadını öldürən şəxsin məhkəməsi başlayır.
ARANTV.AZ-ın məlumatına görə, cinayət məcəlləsinin 120.2.4-cü (xüsusi amansızlıqla qəsdən adam öldürmə) maddəsi ilə təqsirləndirilən Feyziyev Rəfayıl Bəndalı oğlunun məhkəmə prosesinin hazırlıq iclası sentyabr ayının 13-də hakim Rasim Sadıxovun sədrliyi ilə keçiriləcək.
İttiham aktına görə, qanlı hadisə Sumqayıt şəhəri, 9 -cu mikrarayon ərazisində baş verib. Belə ki, ər həyat yoldaşının ona xəyanət etdiyini öyrənib və yaşadığı mənzildən onun yad kişi ilə fotoşəklini tapıb. Bundan sonra Sumqayıt şəhər sakini 1982-ci il təvəllüdlü Rafət Feyziyeva əri tərəfindən 18 bıçaq zərbəsi ilə qətlə yetirilib. Hadisədən sonra qətli törədən ər könüllü olaraq polisə təslim olub.
Qeyd edək ki, mərhumun iki övladı var.
ölkə.az
