Dövlət Miqrasiya Xidməti Tərəfindən qanunsuz miqrasiyaya qarşı mübarizə tədbirləri davam etdirilir
ARANTV.AZ xəbər verir ki, Dövlət Miqrasiya Xidməti Tərəfindən qanunsuz miqrasiyaya qarşı mübarizə tədbirləri davam etdirilir. Belə ki, xidmət tərəfindən iyulun 23-ü və 24-də müxtəlif ölkələrdən olan 62 miqrant saxlanılıb. Araşdırma zamanı əcnəbilərin Azərbaycanda miqrasiya qaydalarını pozduqları məlum olub. Onlardan 11-nin ölkə ərazisinə gəliş məqsədlərindən yayındıqları, 3-nün qeydiyyat üzrə yaşamadığı və 48 əcnəbinin ölkədə qanunsuz yaşadığı təsdiqlənib. Saxlanılan miqrantlardan 39-u barəsində inzibati qərar qəbul edilib, digər əcnəbilərin ölkəmizin hüdudlarından kənarlaşdırılması istiqamətində müvafiq tədbirlər aparılır.
