İnam Kərimov: “Ölkədə aqrar sektorun inkişafında müasir innovasiyaların tətbiqi vacibdir”
Müasir texnologiyaların bütün sahələrdə tətbiqi dövlətimizin siyasətinin önündə durur.
ARANTV.AZ Trend-ə istinadən xəbər verir ki, bunu Kənd təsərrüfatı naziri İnam Kərimov deyib.
Onun sözlərinə görə, ölkədə aqrar sektorun inkişafında müasir innovasiyaların tətbiqi də vacibdir:
“Ölkədə aqrar sektorun inkişafı diqqət mərkəzindədir. Ötən il bu sahədə artım 7,1 faiz olub. Bu sahəyə diqqət nəticəsində yüksək inkişafa nail olunub. Kənd Təsərrüfatı Nazirliyi bu sahədə üzərinə düşən vəzifələri icra edir. Dronlardan istifadə, sensorlardan istifadə və sair proseslərə başlanılıb. Bu sahəyə gənclərin cəlb edilməsi əsas məqsədlərimizdəndir. Müasir innovasiyaların inkişafında gənclərin rolu yüksəkdir. Biz də bu işə gəncləri cəlb edirik”.
