Avstraliya sərhədləri bağlayır
“Avstraliya koronavirus epidemiyasının qarşısını almaq məqsədilə xarici vətəndaşlar və ölkədə daim yaşamayan şəxslərin üçün sərhədləri bağlayır”.
ARANTV.AZ Trend-ə istinadən xəbər verir ki, bunu ölkənin baş naziri Skott Morrison elan edib.
O bildirib ki, Avstraliyada qeydə alınan yoluxma hallarının təxminən 80 faizi ölkə xaricində qeydə alınıb.
Qərar martın 20-dən başlayaraq qüvvəyə minəcək.
Qeyd edək ki, bu günədək Avstraliyada koronavirus infeksiyasına 636 yoluxma faktı qeydə alınıb, 2 nəfər vəfat edib.
