İcbari tibbi sığortanın tətbiqi müddəti uzadıla bilər
Milli Məclis martın 30-da keçiriləcək plenar iclasında Azərbaycanda icbari tibbi sığortanın mərhələli şəkildə tətbiqi müddətinin uzadılmasını müzakirə edəcək.
ARANTV.AZ Trend-ə istinadən xəbər verir ki, bununla bağlı “Tibbi sığorta” haqqında qanuna dəyişiklik təklif edilir.
Dəyişikliyə əsasən, icbari tibbi sığorta 2021-ci ildə tamamlanmaq şərtilə mərhələli şəkildə tətbiq olunacaq.
Qüvvədə olan qanuna əsasən isə icbari tibbi sığorta 2020-ci ildə tamamlanmaq şərtilə mərhələli şəkildə tətbiq olunmalı idi.
