Bakıda avtomobildən oğurluq edən şəxs ələ keçdi
Bakıda qadının avtomobilindən oğurluq edilib.
ARANTV.AZ xəbər verir ki, hadisə mayın 21-i paytaxtın Nərimanov rayonu Azadlıq prospektində qeydə alınıb.
Məsələ ilə bağlı Daxili İşlər Nazirliyinin “102” Xidməti-Zəng mərkəzinə daxil olan məlumat əsasında əməliyyat-axtarış tədbirləri həyata keçirilib.
Ərazi üzrə Nərimanov Rayon Polis İdarəsinin (RPİ) 16-cı Polis Bölməsi əməkdaşlarının keçirdiyi əməliyyat-axtarış tədbirləri nəticəsində M.Bünyadovaya məxsus “Kia” markalı avtomobildən şüşəni sındırmaqla 200 manat, eləcə də həmin məbləğ dəyərində eynəyi oğurlamaqda şübhəli bilinən 1996-cı il təvəllüdlü A.Xələfov müəyyən olunaraq saxlanılıb.
Faktla bağlı araşdırma aparılır.Oxu.Az
