“Yuxuda görmüşdüm, bilirdim balam şəhid olacaq” – Video
“Deyirdi, ay ana, sən görəcəksən, mənim adım həmişə uca olacaq. Mən Mübariz kimi olacam, onun yolu ilə gedəcəm”.
ARANTV.AZ xəbər verir ki, bu sözləri iyulun 16-da Azərbaycan-Ermənistan sərhədinin Tovuz istiqamətində gedən döyüşlərdə şəhid olan 24 yaşlı Nazim İsmayılovun anası Sevda İsmayılova deyib. AzTV-yə müsahibə verən Sevda xanım şəhid övladından danışıb.
Nazimin atası Əfqan İsmayılov isə bildirib ki, övladı ordu sıralarına könüllü olaraq getmişdi:
“Şəhid olmazdan bir gün qabaq mənə zəng vurub dedi ki, nigaran qalmayın”.
Qeyd edək ki, şəhidin qardaşı İsmayıl İsmayılzadə də hazırda hərbi xidmətdədir.
