Hindistanda bir gündə 50 mindən çox koronavirusa yoluxma qeydə alınıb
Hindistanda ötən gün koronavirusa yoluxma üzrə növbəti dəfə rekord qeydə alınıb.
ARANTV.AZ Trend-ə istinadən xəbər verir ki, son sutka ərzində ölkədə 52 123 nəfər virusa yoluxub.
Bu günədək Hindistanda 1 583 792 nəfər koronavirusa yoluxub. Bu göstəriciyə görə Hindistan üçüncü yerdə gedir.
İnfeksiyaya yoluxanların 1 020 582 nəfəri sağalıb, 34 968 nəfər virusun qurbanı olub.
