Braziliyada daha 22 min yoluxma…
Braziliyada son sutka ərzində daha 22 048 nəfərin koronavirus infeksiyasına yoluxması təsdiqlənib.
ARANTV.AZ APA-ya istinadən bildirir ki, bu barədə ölkənin Səhiyyə Nazirliyi məlumat yayıb.
Nazirlik bildirib ki, indiyədək Braziliyada koronavirusa ümumilikdə 3 057 470 nəfər yoluxub. Bu müddət ərzində 101 752 koronaviruslu xəstə dünyasını dəyişib, son sutkada isə bu rəqəm 703 nəfər olub.
Həmçinin bu günədək 2 163 812 (yoluxanların təxminən 70%-i) xəstə müalicə olunaraq sağalıb. Hazırda 791 801 aktiv xəstə var.
