Qarabağ regional ədliyyə idarəsində icra strukturları yaradılır
“Qarabağ regional ədliyyə idarəsində icra strukturları yaradılır və artıq həmin idarəyə yeni işçilər də götürülür”.
Bu sözləri Ədliyyə Nazirliyinin 2020-ci ilin yekunlarına həsr olunmuş onlayn mətbuat konfransında Ədliyyə Nazirliyinin İcra baş idarəsinin rəis müavini Fərid Əfəndiyev deyib.
O bildirib ki, bu sahədə fəaliyyətin genişləndirilməsi istiqamətində tədbirlər davam etdirilir.
Həmçinin o, qeyd edib ki, ötən il Ədliyyə Nazirliyinin İcra baş idarəsində 910 min 316 icra sənədi olub:
“Müraciətlər arasında məhkəmə orqanları tərəfindən icrası barədə qəbul edilən sənədlər çoxluq təşkil edib. Həmin icra sənədlərinin 89 faizi məhkəmə tərəfindən verilib”.
