Çexiyada aprel ayından etibarən koronavirusa qarşı peyvənd istehsal ediləcək
ABŞ-ın “Novavax” əczaçılıq şirkətinin Praqa yaxınlığında yerləşən zavodunda koronavirus peyvəndinin seriya istehsalına və dünya bazarına çıxarılmasına başlanmalıdır.
ARANTV.AZ Trend-ə istinadən xəbər verir ki, bu barədə jurnalistlərə Çexiyanın Baş naziri Andrey Babiş bildirib.
Baş nazir qeyd edib ki, Çexiyada yerləşən Novavax zavodundan dünya bazarına peyvəndin şatışa çıxarılması aprel ayında başlamalıdır: “Bu, aldığım ən son məlumatdır”.
A.Babişin dediyinə görə, dərman hazırda Böyük Britaniyada sınaqdan keçirilir. Effektivliyi təxminən 90 faiz təşkil edir.
