“Ümid edək ki, bütün şagirdlər, tələbələr yenidən sinfə, auditoriyaya qayıda biləcəklər” – Nazir
Ümid edək ki, “COVID-19″la bağlı ölkə ərazisindəki vəziyyət getdikcə yaxşılaşacaq və bütün siniflər üzrə şagirdlər, həmçinin tələbələr yenidən sinfə, auditoriyaya qayıda biləcəklər.
ARANTV.AZ Trend-ə istinadən bildirir ki, bunu Təhsil naziri Emin Əmrullayev özünün sosial şəbəkədəki səhifəsində yazıb.
Nazir qeyd edib ki, bu gün uzun zaman sonra məktəbin yenidən canlandığı gündür:
“Yəqin ki, bu gün hər yerdə sinif yoldaşlarını, müəllimini görmək üçün məktəbə tələsən şagirdlərə rastlamısınız”.
