DİN Yevlaxdakı qətllə bağlı məlumat yayıb
Daxili İşlər Nazirliyi Yevlaxda baş vermiş qətllə bağlı məlumat yayıb.
ARANTV.AZ-ın məlumatına görə, dekabrın 24-də Yevlax şəhəri ərazisində şəhər sakini Namiq Nərimanov münaqişə zəminində həmyerlisi Ağa Əhmədova bıçaqla xəsarət yetirib.
Xəstəxanaya yerləşdirilmiş Ağa Əhmədov orada ölüb.
Polis və prokurorluq orqanları əməkdaşlarının keçirdikləri istintaq və əməliyyat-axtarış tədbirləri nəticəsində N.Nərimanov saxlanılıb.
Qeyd edək ki, qətlə yetirilən Ağa Əhmədov Gəncədə yerləşən ali məktəblərdən birinin tələbəsi olub.oxu.az
