Misirdə maraqlı bir hadisə baş verib. İskəndəriyyənin yaxınlığında yerləşən Böyük Taposiris antik şəhər-məbədində aparılan qazıntılar zamanı arxeoloqlar qızıl dili olan qeyri-adi bir mumiya aşkar ediblər.
Qeyd etmək lazımdır ki, təxminən 2000 yaşı olan mumiya Osiris və İsisə həsr olunmuş məbədlərin yaxınlığında yerləşən 16 dəfndən birində aşkar olunmuşdur.Digər məzarlarda aşkar olunan müxtəlif qədim əsərlər, kitablar və bəzi zinyət əşyaları Misirin Tarixi Abidələr Nazirliyinə təhfil verilmişdir. Əlavə edək ki, bu hadisədən bir müddət öncə məhz bu yerdə arxeoloqlar tərəfindən qızıl sikkələr ilə dolu bir xəzinə aşkar olunmuşdur.Həmin sikkələrin üzərində Kleopatranın şəkili həkk olunmuşdur.
Alimlərin düşüncələrinə görə təzəlikcə aşkar olunan mumiya əslində nitq qusurlu olub. Bəzi alimlər iddia edirlər ki, mərhumun ağzına qızıl dil qoyan insanlar onun sonrakı həyatını düşünərək, danışmasını istəyib. Lakin dilin niyə məhz qızıldan hazırlandığı da hələ də aydın deyil.
Həmçinin qeyd etmək lazımdır ki, çoxsaylı tapıntıların məkanı sayılan qədim şəhər-məbəd Böyük Taposiris Kral II Ptolemeyin əmri ilə təxminən e.ə 280-270-ci illərdə qurulmuşdur. Tədqiqatçıların yaydığı bir versiyaya görə, məlum olub ki, Mark Antoniy və Kleopatra məhz bu şəhərdə dəfn olublar.
