“Uzun müddətdir ki, taksi fəaliyyəti ilə məşğulam. Neyləyim? Ac qalmalıyam? Görürsüz də, müğənnilərin vəziyyətini, 1 ildir ki, toy yoxdur. Kimlər vaxtında özünə biznes qurub, yaxşı edib. Amma mənim biznesim yoxdur, ona görə də məcburiyyət qarşısında qalıb taksi fəaliyyəti ilə məşğul oluram. Heç bir sənət dostumdan da yardım istəmirəm, heç etmirlər də. Düzü onları da qınamıram”
ARANTV.AZ bildirir ki,bunu Moderator.az-a açıqlamasında müğənni Samirə Yusifqızı deyib. Sənətçi daha sonra əlavə edib.
“Elə indi də sizinlə danışa-danışa rayona müştəri aparıram. Sükan arxasında məni görəndə təəccüblənirlər. Bir çoxu deyir ki, siz efirdə deyəndəki sürücü işləyəcəm, biz inanmırdıq, amma indi şahidi oluruq. Elə müştəri var ki, hörmət edib əlavə pul da verir, eləsi də var ki, qəpiyini atıb düşür. Bəzən məndən mahnı da istəyirlər, onun pulu artıq ayrı olur. Deyirəm ki, baxım görüm et (gülür). Bir taksi şirkəti ilə yox, bir neçəsi ilə çalışıram. Maşını icarəyə götürmüşəm, gündəlik plan verirəm. Deyim ki, çox qazanıram, bu yalan olar. Buna dolanmaq demək olmaz, sadəcə baş qatıram. Toylar başlayana kimi taksi fəaliyyətinə davam edəcəyəm, çünki başqa çarəm yoxdur” deyə Samirə Yusifqızı bildirib.
Sənətçi bir müddət öncə dünyasını dəyişən yaxın qohumu Xalq artisti Səfurə İbrahimovanın da mirasından danışıb.
“Mənim dünya malında gözüm yoxdur, o ki, qala Səfurə xanımın mirasında gözüm olsun. O rəhmətliyin öz qazancı idi, məndən əvvəl birinci dərəcəli qohumu bacısıdır. Onun Mənsurə adında bacısı yaşayır. Pulu kimə qalıbsa yəqin ki, məzarüstünü də götüzdürər. Evinə, puluna yiyə çıxanlar məzarüstünü də götürməlidirlər. Səfurə xanım böyük sənətkar idi, Allah ona rəhmət etsin” deyə müğənni bildirib.
