Fevralın 25-nə keçən gecə “Əyyamul-bəyz” daxil olur – Əməllər
Bu axşam, 24 fevral, məğrib azanı zamanı (gün batdıqdan sonra) “Əyyamul-bəyz”(İşıqlı günlər) adlanan fəzilətli günlər daxil olur.
“Əyyamul-bəyz” 3 gün davam edir – Rəcəbin 13-ü, 14-ü və 15-i (bu il fevralın 25, 26 və 27-si). Bu üç günün gecəsində ay bütöv, nurlu və işıqlı olduğu üçün həmin günlərə “işıqlı günlər” adı verilmişdir.
Hədis və rəvayətlərdə bu gecələri ibadətdə keçirməyin əhəmiyyəti xüsusi vurğulanır.
İslam Peyğəmbərindən(s) nəql olunan bir hədisdə buyurulur: “Hər kim Rəcəb ayının ortalarında üç gün oruc tutsa və gecələri ibadətlə keçirsə, “xalis tövbə” ilə dünyadan köçər.”
“Əyyamul-bəyz”in birinci gecəsi (Rəcəbin 13-ü) iki rükət namaz qılmaq tövsiyə olunur:
Hər rükətdə “Fatihə”dən sonra “Ya sin” və “Mulk” surələri oxunmalıdır.
“Əyyamul-bəyz”in ikinci gecəsi eyni qaydada dörd rükət (iki rükətli iki namaz), üçüncü gecəsi isə eyni tərzdə 6 rükətli (iki rükətli 3 namaz) qılmaq yaxşıdır.
Bu günləri oruc tutmaq da bəyənilir.
Həmçinin bu gecə, Rəcəb ayının 13-nə keçən gecə, Hz.Əlinin(ə) mübarək mövlud günüdür. Həmin gün İmamı(ə) ziyarət etmək, ona hədiyyə namazı qılmaq bəyənilən əməllərdəndir.
On beşinci gecə və on beşinci günün əməlləri:
– Qüsl almaq
– Əhya saxlamaq
– İmam Hüseynin(ə) ziyarətnaməsini oxumaq.
