Üç rəngli bayrağımla türk bayrağı yanaşı, Ali Baş Komandanım, Ərdoğanın qardaşı…

Hörmətli Ali Baş Komandanımız cənab İlham Əliyevin söylədiyi kimi, müzəffər şanlı Azərbaycan ordusu 28 il erməni terror dövlətinin nəzarəti altında oian qondarma “Dağlıq Qarabağ Respubilikası” ətrafı 7 rayoondan dördünü mənfur erməni terrorçularından təmizlədilər. Bunlar Fizuli, Cəbrayıl, Qubadlı və Zəngilan rayonlarıdır. Eyni zamanda  200-ə qədər kənd və 3 qəsəbə işğaldan azad edilmişdir. Bu hamımızı çox sevindirir. Ümid edirəm ki, bu yaxın günlərdə işğal altında olan torpaqlarımızı qəhraman ordumuz tərəfindən azad ediləcək və biz məcburi köçkünlər öz doğma elimizə, obamıza dönəcəyik.

Mən qəhrəman, yenilməz ordumuza hamı kimi güvənirəm və igid əsgər və zabitlərimizə bu şerimlə müraciət etmək istəyirəm.

Vətənin hər qarışın işğaldan azad eylə

Azərbaycan ordusu, yoluna qurban olum

Yar düşmənin cəbhəsin, atəşinlə, odunla

Sənin “İrəli” deyən dilinə qurban olum.

Arxanda uca millət dağ kimi dayanıbdı

Sizi dağlar gözləyir, darıxıbdı, anıbdı

Otuz ildi erməni bizi qorxaq sanıbdı,

Vur, başına döndüyüm, qoluna qurban olum.

Hər bir vətən övladı Poladımdı, Zaurum,

Mübarizlər qoyarmı sına mənim qürurum?

Qovacaqlar it kimi, azad olacaq yurdum

Vətəndə – “Zəfər Marşı” çalına qurban olum..

O, qədər şəhid verdik, otuz il də az deyil,

İgid əsgər məğrur ol, nə qorx, nə də ki, əyil,

Torpağa şəhid qanı axmasa vətən deyil

Şəhidlərin qisası alına, qurban olum.

Üç rəngli bayrağımla türk bayrağı yanaşı,

Ali Baş Komandanım, Ərdoğanın qardaşı

Təkrarladı bizlərə, tarixləri, yaddaşı

Milləti bir, dili bir, elinə qurban olum.

Al Şuşanı, Laçını, Ağdamı, Xocalını

“Xocalı qırğını”nın yerdə qoyma qanını,

Əsrlərin, illərin alınsın intiqamı

Sənin şəhid, yaralı canına qurban olum.

Bu Vətən döyüşüdü, tarixlərə salınsın

Qaçqın adı götrülsün, sadə vətəndaş olsun,

İstisu, Kəlbəcərim, Başlıbelim alınsın

Bax onda sən Həsənin halına, qurban olum.

Hörmətli oxucular, şübhə yoxdur ki, biz hamımız general Polad Həşimovu və milli qəhraman Mübariz İbrahimovu yaxşı tanıyırıq və ehtiramla yad edirik. Şeirdə adı çəkilən Zaur isə mənim həmkəndlim (Kəlbəcər rayonu Başlıbel kəndi) Azərbaycan ordusunun polkovnik leytenantı şəhid Zaur Hüseyn oğlu Cəfərovdur. Qərargah rəisi olan polkovnik leytenant Zaur Cəfərov 2020-ci ilin oktyabr ayında Tərtər rayonunun Suqovuşan kəndi uğrunda gedən döyüşlərdə qəhrəmancasına şəhid olmuşdur.

Allahdan bütün şəhidlərimizə rəhmət və yaralananlarımıza şəfa diləyirəm.