İslamda ilin ayları arasında Ramazan ayı ən şəfaqətli və müqəddəs ay hesab edilir. Onu məcazi şəkildə “on bir ayın sultanı” da adlandırırlar.
Ramazan paylaşmaq və yardım etmək üçün əla fürsətdir. Bu bayramda insanlar yaxınlarını və ehtiyacı olanları sevindirmək üçün müxtlif yollarla yardım etməyə çalışır.
Bəs görək, karantin günlərində işləyə bilməyən və bu səbəbdən pulsuz qalan ailələrə yardım etməklə insanların rəğbətini qazanan fitnes məşqçisi Kamil Zeynallı bu müqəddəs ayda hansı işlərlə məşğuldur?
ARANTV.AZ xəbər verir ki, məsələ ilə bağlı yenisabah.az-a danışan idmançı qeyd edib ki, Ramazanda da yardım aksiyaları keçirir və çox sayda ehtiyacı olanlara kömək edir:
“Orucluq başlayandan bəri 100-ə yaxın süpürgəçiyə ət paylamışam. Bura həm qadınlar, həm də kişilər daxildir. Qazilərə yardımlar edirəm, hamısının halal xoşları olsun. Hər dəfə sosial şəbəkələrdə bununla bağlı paylaşım etməsəm də, ağlınıza gələn yaxşı nə varsa, hamısını bu müqəddəs ayda edirəm. İnşallah, tək bu ayda yox, bundan sonra da bacardığım qədər yardımlara davam edəcəyəm”.
K.Zeynallı bəzi insanların oruc tutsa da, orucu açandan sonra günah işləməsi məsələsinə də toxunub:
“Mən özüm oruc tutmamışam. Bu həyatda oruc tutub, orucu açandan sonra başqalarının xətrinə dəyəcək nələrsə etməkdənsə, heç o orucu tutmasalar yaxşıdır. Sözüm bəzi kişilərə aiddir. Ondansa həyatlarında belə savab işlər görsünlər, hamısını Allah görür”.
