Tarix bilindi: AFFA 2018-ci ilin hesabatını verəcək
AFFA İcraiyyə Komitəsinin növbəti Hesabat Konfransının vaxtı müəyyənləşib.
ARANTV.AZ xəbər verir ki, yığıncaq martın 4-də baş tutacaq.
Saat 10:00-da “Hilton” hotelində əvvəlcə Hesabat Konfransı, ardından isə İcraiyyə Komitəsinin iclası keçiriləcək. AFFA-nın Nizamnaməsinin 29-cu maddəsinə əsasən, Konfransın Gündəliyinə aşağıdakı məsələlər daxil edilib:
– Prezident tərəfindən salamlama;
– Yığıncağın tərkibinin yoxlanılması;
– İcraiyyə Komitəsinin prezident tərəfindən təqdim olunmuş fəaliyyəti haqqında hesabatının təqdim olunması;
– Maliyyə hesabatının təsdiq olunması;
– Müstəqil auditorun və AFFA-nın Yoxlama və Təftiş Komitəsinin hesabatını nəzərə almaq;
– Növbəti ilin büdcəsinin təsdiq olunması;
– Hər hansı vakant vəzifəyə seçkilər;
– AFFA üzvlərinin təkliflərinin qəbul olunması;
– Digər məsələlər.
oxu.az
