Tovuzda iki yük maşını toqquşub, ölən və xəsarət alanlar var
Tovuzda ölümlə nəticələnən yol qəzası baş verib.
ARANTV.AZ APA-ya istinadən bildirir ki, hadisə Bakı-Qazax magistral yolunun rayonun Düz Qırıxlı kəndindən keçən hissəsində qeydə alınıb. “ZİL” və “MAN” markalı yük maşınlarının toqquşması nəticəsində 1 nəfər ölüb, 2 nəfər xəsarət alaraq xəstəxanaya yerləşdirilib.
Xəsarət alanların vəziyyətin ağır olduğu bildirilir.
Hadisə yerinə DYP əməkdaşları cəlb olunub.
Faktla bağlı araşdırma aparılır.
