Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Aztelekom” MMC tərəfindən əhatə dairəsinin genişləndirilməsi və göstərilən xidmətlərin keyfiyyətinin artırılması üzrə layihələr çərçivəsində kəndlərdə ilk dəfə olaraq GPON (Gigabyte Passive Optical Network ) şəbəkəsi qurulur. Bərdə Şəhəri və kəndləri telekommunikasiya infrastrukturu müasirləşdirilir, optik xətlər çəkilir, GPON texnologiyası tətbiq edilir. Lahiyəni icra edən Niley MMC -nin texniki direktoru Natiq Əlizadə bildirdiki , Bu zaman ərzində Bərdə şəhərində 500 ədəd ( hər biri 6 metr hundurlyundə ) dəmir dirək düzəldilmiş və basdırılmışdır.Normativə uygun olaraq hər bir dəmir dirək 1metr dərinliyində qazılmiş dibləri betonlanmışdır. 3 ədəd OPŞ (OPTİK PAYLAYICI ŞKAF) avadınlığı , 3500 metr fiber-optik xətt , 100 ədəd ağac dirək basdırılmış yeni Rabitə quyuları avadanliqlari quraşdırılmışdır. Natiq Əlizadə onuda qeyd etdiki . Umumilikdə Bərdə şəhər və 10 km radiusda olan bütün kəndlərinə kısa zaman da GPON texnologiyasi qurasdırılacaq və əhalinin internete olan tələbatı tam ödəniləcəqdir və yeni abunəçilərin say artımı nəzərə alınmaqla qurulur ki, bu da öz növbəsində abunəçilərə daha geniş çeşiddə xidmətlərdən istifadə imkanı yaradacaq, rəqəmsal bərabərlik təmin olunacaqdır. İnformasiya-kommunikasiya texnologiyaları sektoru ölkə iqtisadiyyatının dinamik inkişaf edən aparıcı sahələrindən biridir. Bu sahənin inkişafına, rəqəmsal bərabərsizliyin aradan qaldırılmasına dövlət tərəfindən xüsusi diqqət göstərilir. Bu məqsədlə rəqəmsallaşma, informasiya və kommunikasiya texnologiyaları sahəsində yeni infrastrukturun qurulması, müasir texnologiyaların tətbiqi istiqamətində regionlarda bir sıra mühüm işlər aparılır. Rayon, qəsəbə və kəndlərdə vətəndaşların informasiya-telekommunikasiya şəbəkəsindən dayanıqlı, təhlükəsiz və keyfiyyətli istifadə etmələri üçün ölkənin rəqəmsal transformasiya siyasətinə uyğun olaraq yeni nəsil avadanlıqlar quraşdırılır, layihələr həyata keçirilir.
