Şəhid Elvin İsgəndərovun xatirəsinə bulaq kompleksi inşa edilib
ARANTV.AZ Real TV-ə istinadən bildirir ki, Şabran şəhərində Vətən müharibəsində şəhid olan xüsusi təyinatlı qüvvələrin giziri İsgəndərov Elvin Akif oğlunun xatirəsinə bulaq kompleksi inşa edilib.
Şəhidin doğulub böyüdüyü məhəllədə tikilən abidənin açılışı oldu.
Bu gün həm də Elvin İsgəndərovun doğum günüdü. Açılış mərasimində rayon icra hakimiyyətinin nümayəndələri, yerli sakinlər və şəhid valideynləri iştirak etdi.
Çıxış edənlər 44 günlük Vətən müharibəsində ordumuzun qazandığı tarixi qələbəndə söz açdılar.
Qeyd edildi ki, Müzəffər Ali Baş Komandanın rəhbərliyi ilə qəhrəman hərbçilərimiz qanı, canı bahasına torpaqlarımızı azad etdi. Bu amal uğrunda şəhid olan qəhrəmanlar hər zaman xalqımızın qəblində yaşayacaq.
Mərasimdə Elvin İsgəndərovun övladları və məktəblilər şəhidlərimizə həsr edilən şeirlər səsləndirdi. Sonda bulaq kompleksinin açılışı oldu və abidə önünə tər güllər düzüldü. Qeyd edək ki, Xüsusi Təyinatlı Qüvvələrin giziri olan 33 yaşlı Elvin İsgəndərov Vətən müharibəsi zamanı Murovdağın, Füzulinin və Cəbrayıl rayonunun azadlığı uğrunda gedən döyüşlərdə iştirak edib. Qəhrəman gizir Cəbrayıl döyüşləri zamanı şəhadətə yüksəlib.
Abidə kompleksinin tikintisini yüksək qiymətləndirən şəhid valideynləri bu nümunəvi addımdan çox qürurlandıqlarını bildirdilər. Onlar hesab edir ki, bu təşəbbüs canını vətənə fəda edən qəhrəmanlara göstərilən böyük dəyərdir.
Qeyd edək ki, ölümündən sonra şəhid Elvin İsgəndərov 3 medalla-Füzuli və Cəbrayılın azad edilməsinə görə eləcə də Vətən uğründa medalları ilə təltif edilib.
