Bərdə polisi 44 günlük müharibədə yüksək peşəkarlıqla asayişi qorudu
44 günlük müharibənin gedişində Bərdə rayon Polisi Şöbəsidə işinin öhdəsindən layiqincə gəlib. Başda polis şöbəsinin rəisi ,polis- polkovnik Muradəli Babayev olmaqla bütün şəxsi heyət sayıqlıqla ictimai asayişin keşiyində dayanıblar.
Həmin günlər ən ağır və məsuliyyətli vəzifə heç şübhəsiz ki, polisin üzərinə düşüb. İctimai asayişin qorunması, quldurluq halları ilə mübarizə, düşmənin diversiya qruplarının arxa cəbhəyə sızması kimi halların qarşısının alınması polisin gərgin əməyinin məhsulu olub.
Bir qanuna uyğunluq var, ölkədə müharibə gedəndə kriminal aləmə və cinayətə meyilli adamlar bundan istifadə edir. Arxa cəbhədə cinayətlərin baş verməsinin qarşısının alınması, baş vermiş cinayətlərin “isti izlər”lə açılması, ictimai asayiş qaydalarının qorunması işlərini polis öz üzərinə götürür.
Bu dəfə də belə oldu. Polislərimiz arxa cəbhədə çox yüksək peşəkarlıqla fəaliyyət göstərdilər. Bunların hamısını polis elədi. Belə deyək də, ön cəbhədə hərbçilərimiz vuruşurdu, arxa cəbhədə isə polislərimiz… Həmin dövrü ancaq bu cür səciyyələndirmək olar.
Onu da qeyd edək ki, Birinci Qarabağ müharibəsinin ilk aylarında Azərbaycanda Müdafiə Nazirliyi yox idi. Hələ formalaşdırılmamışdı. Yəni, həmin vaxt ermənilərə qarşı ön cəbhədə vuruşan, şəhid olan, yaralanan ən çox polislər idi. Həmin dövrdə polis orqanları kifayət qədər şəhid verib . Nə qədər polisimiz Birinci Qarabağ müharibəsində əlilliyə düçar olub. Bunun qarşılığında Polislərimizin əməyi yüksək qiymətləndirilib, dövlət tərəfindən mükafatlandırılıb.Bir sözlə, torpaqlarımızı, vətəndaşlarımızı polislərimiz canları bahasına qoruyurdu. Bunu heç vaxt unutmaq olmaz. İkinci Qarabağ müharibəsində isə 90-cı illərdən fərqli olaraq yüksək döyüş qabiliyyətinə malik Müdafiə Nazirliyimiz olduğundan peşəkar ordu və ən müasir texnika ilə döyüşləri aparırdıq.
Bu dəfə polis arxa cəbhədə öz fəaliyyətini gücləndirdi. Birinci Qarabağ savaşında polis ön cəbhədə idi, İkinci Qarabağ müharibəsində isə polislərimizin ön cəbhədə döyüşməsinə ehtiyac qalmadı.
Bərdə rayon Polis Şöbəsinin şəxsi heyyəti cənab Vilayət Eyvazovun rəhbərliyi ilə yalnız arxa cəbhədə çox yüksək peşəkarlıqla fəaliyyət göstərdilər.
Bu gün də bərdəlilər hökm sürən yüksək ictimai-siyasi sabitliyə görə Bərdə rayon Polis Şöbəsindən minnətdarlıq edirlər.
