Vilayət Eyvazov işdən çıxardığı generala yeni vəzifə verdi – YENİLƏNİB
Daxili İşlər Nazirliyi (DİN) Azərbaycanda təqaüdə göndərilən general Səfər Əliyevin yeni vəzifəsi barədə açıqlama verib.
DİN-dən Oxu.Az-a bildirilib ki, general nazirlikdə mülki baş məsləhətçisi vəzifəsində xidməti davam etdirəcək.
11:00
Azərbaycanda təqaüdə göndərilən generala yeni vəzifə verilib.
Lent.az-ın əldə etdiyi məlumata görə, bu barədə daxili işlər naziri general-polkovnik Vilayət Eyvazov müvafiq əmr imzalayıb.
Əmrə əsasən, bir neçə gün əvvəl təqaüdə göndərilən polis general-mayoru Səfər Əliyev nazirin müşaviri təyin edilib.
Qeyd edək ki, bir neçə gün əvvəl polis general-mayoru Səfər Əliyev xidmətdə olmanın son yaş həddi ilə əlaqədar Vilayət Eyvazovun əmri ilə DİN Katibliyinin rəisi vəzifəsindən azad edilərək təqaüdə göndərilib. Digər əmrlə onun yerinə Təşkilati-İnspeksiya İdarəsinin rəis müavini polis polkovniki Nahid Məmmədzadə təyin edilib.
