Region Xəbərləri 

” Vətən təkcə yurd deyil.Vətən mənəm , vətən sənsən , vətən bizik!Fotolar

” Torpaq uğrunda ölən varsa, Vətəndir !” Vətən təkcə yurd deyil.Vətən mənəm , vətən sənsən , vətən bizik! Vətəni sevmək , onu qorumaq , budur vətənpərvərlik ! Bəli , onlar da – Azərbaycanımızın ərazi bütövlüyü , Qarabağımızın azadlığı uğrunda döyüşlərə atılan və özlərinə ən uca və ali ad qazanmış olan Şəhidlərimiz də məhz, bu amalla , bu məqsədlə vuruşdular .
Şəhidlər !Adları qürurumuz, əməlləri fəxrimiz , məzarları and yerimiz Şəhidlər …
Bu müqəddəs əməl sahibləri haqqında əsrlər , qərinələr boyu dastanlar yazılsa da, yenə onlara olan borcumuz bitməz, tükənməz .Qəhrəman Şəhidlərimizin xatirəsini yaşatmaq, adlarını ,əməllərini örnək olaraq gənc və gələcək nəsillərə ötürmək hər bir Azərbaycan vətəndaşının həm ümdə borcu ,həm də vəzifəsidir .Bu baxımdan biz müəllimlərin üzərinə düşən məsuliyyət və görməli olduğu işlər daha böyükdür .Elə bu məqsədlə də, çalışdığım Ucar rayon Zeynal Məmmədov adına Qazyan kənd 3 nömrəli tam orta məktəbdə qəhrəmanlarımızın eksponatlarından və əşyalarından ibarət ,, Şəhidlər Muzeyi”ni yaratdım.2021-2022- ci tədris ilinin son aylarından fəaliyyət göstərən muzeyimizə artıq bir çox məktəblər və təşkilatlar ekskursiya edir, qəhrəmanlarımızdan geriyə qalmış eksponatlarla , əşyalarla tanış olur, onların keçdiyi həm həyat , həm də döyüş yolu haqqında məlumat əldə edirlər .Belə ziyarətlərdən biri də 7 oktyabr tarixində Bərdə rayonundan olan Şəhid Musayev Səbuhi Rəfail oğlunun Anası Reyhan xanımın , Bərdə Çörək ASC- nin icraçı direktoru Şahin Məmmədovun və Bərdə rayon məktəbinin müəllimi Züleyxa müəllimin gəlişi oldu. Onlar muzeyi gəzərək, qəhrəmanların əşyalarına həm kədər, həm də qürur hissi ilə baxdılar , toxundular.Muzeydə şagirdlərimiz tərəfindən Şəhidlərimizin əziz xatirəsinə şeirlər söylənildi , ürək sözləri deyildi .Şəhid Anası Reyhan xanım 2016- cı ildə “Aprel döyüşləri” zamanı qəhrəmancasına vuruşmuş oğlu Səbuhi Musayevlə bağlı xatirələrini bizimlə bölüşərək, oğlunun və Bərdə rayonundan olan digər Şəhidimiz Mehman Telman oğlu Quliyevə məxsus eksponatları Muzeyimizə bağışladı. Biz müəllimlər də söz verdik ki , onun igid balası və bütün qəhrəman Şəhidlərimiz haqqında şagirdləri daim məlumatlandıracaq, onları heç zaman unutdurmayacağıq.Çünki bu ilk növbədə bizim həm insanlıq və vicdan, həm də Vətənimizin, Şəhidlərimizin və onların valideyinlərinin qarşısında tükənməyən borcumuzdur .Şagirdlərimiz də öz növbəsində Səbuhi və Mehman kimi oğullardan örnək götürdüklərini və gələcəkdə məhz , onlar kimi igid əsgər olaraq , torpaqlarımızın keşiyində dayanacaqlarını , Şəhidlərimizin xatirəsini daim uca tutacaqlarını əminliklə və qürurla söylədilər .
Mən məktəb rəhbərliyinin , kollektivimizin və şagirdlərimizin adından bu ziyarəti təşkil edən Bərdə Çörək ASC- nin icraçı direktoru Şahin Məmmədova təşəkkür edirəm .Reyhan Anamızın timsalında bütün Şəhid valideyinləri qarşısında baş əyir, qəhrəmanlarımıza Allahdan rəhmət diləyirəm.


Ucar rayon Zeynal Məmmədov adına Qazyan kənd 3 nömrəli tam orta məktəbin UBR İsayeva Aidə

Daha çox xəbərlər