Kişi və qadın beyni arasındakı fərq nədir?
Alimlər belə nəticəyə gəliblər ki, kişi və qadının intellektual qabiliyyətləri eyni olsa da, kişi və qadın beyinləri yenə də bir-birindən fərqlidir. MRT görüntülərini tədqiq etdikdən sonra, kişilərin beyninin hər yarımkürəsində daha çox sinir əlaqəsi olduğunu, qadınlarda isə yarımkürələr arasında daha çox əlaqə olduğunu gördülər.
Tədqiqatçıların fikrincə, bu, beyinlərin cinslər arasında necə işləməsinə təsir göstərə bilər: “Görünür, kişilərin beyni informasiya qavrayışı və koordinasiyalı fəaliyyət üçün, qadınların beyni isə sosial bacarıqlar əldə etmək və yadda saxlamaq üçün daha uyğundur. Yaşla bu fərqlər tədricən yox olur.
