Bugün Milli Qəhrəman Səfiyar Behbudovun anım günüdür+Fotolar
Bugün Milli Qəhrəman, Şəhid Səfiyar Abuzər oğlu Behbudovun anım günüdür. O, 1992-ci ildə yaralı haldatəşkilatçılığı ermənilərə əsir düşüb.
Bərdə şəhər Səfiyar Behbudov adına 6 saylı orta məktəbin təşkilatçılığı ilə Azərbaycanın Milli Qəhrəmanı Səfiyar Behbudovun doğum gününə həsr olunmuş tədbir keçirilib.Tədbirdə məktəbin direktoru Elşad Mamedov direktor müavini Vüasalə Musayeva, Milli Qəhrəmanın ailə üzvləri, ziyalılar iştirak edib.İlk öncə tədbiri giriş sözü ilə açan məktəbin direktoru Elşad Mamedov qonaqları salamlayıb. O bildirib ki, hər zaman qəhrəman oğullarımız dövlətimizin və xalqımızın bütövlüyü, azadlığı uğrunda mübarizə apararaq qəhrəmanlıq göstəriblər: “Bu qəhrəman oğullar sırasında Səfiyar Behbudov da var. Gənclərimiz Səfiyardan və digər Milli Qəhrəmanlarımızdan nümunə götürməlidirlər”.
Səfiyar Behbudov (18 iyun 1967, Mollalı, Bərdə rayonu – 21 mart 1992, Ağdam) — Azərbaycanın Milli Qəhrəmanı; Qarabağ müharibəsi şəhidi.
1967-ci il iyunun 18-də Bərdə rayonunun Mollalı kəndində anadan olmuşdur. 1984-cü ildə 6 saylı Bərdə şəhər orta məktəbini bitirdikdən sonra Sovet ordusu sıralarına hərbi xidmətə çağırılmışdır. Ordudan tərxis olunduqdan sonra zabitlik kursunu kiçik leytenant rütbəsi ilə bitirən Səfiyar, 1988-ci il Milli Azadlıq Hərəkatının fəal iştirakçılarından olmuşdur. O, Bərdədə “Soy” Demokratik Gənclər Təşkilatını yaradaraq gəncləri öz ətrafında toplamışdır. Xocalı soyqırımından bir həftə sonra o, tərəddüd etmədən Bərdə özünümüdafiə batalyonuna daxil olmuşdur. Bölmə komandiri təyin edilən Səfiyar Tərtər bölgəsində bir neçə uğurlu əməliyyat keçirdikdən sonra, onun bölməsini Ağdam istiqamətində gedən döyüşlərdə vuruşmağa göndərmişdilər.
1992-ci il mart ayının 11-ində qəflətən həyəcan siqnalı verilir. Erməni faşistləri Əsgəran yaxınlığındakı postumuza hücum edərək oranı mühasirəyə alırlar. Öz PDM-i ilə döyüşə atılan Səfiyar tapşırığı uğurla yerinə yetirərək düşmənin müqavimətini qırır və mühasirədə olan döyüşçülərimizi xilas etdikdən sonra Əsgərana doğru irəliləyir. O, Qaraqaya deyilən yerdə düşmənin böyük qüvvəsilə qarşılaşsa da, geri çəkilmir. Lakin bir müddət irəlilədikdən sonra cəsur döyüşçünün PDM-i vurulur. Ermənilər onu ağır yaralı vəziyyətdə əsir götürürlər. 10 günlük əsir həyatında olmazın işgəncələrə məruz qalan mərd döyüşçümüz düşmənə heç bir sirr vermədiyi üçün ayaqlarına məftil bağlayaraq üzərinə neft töküb yandırırlar.
Gənc zabitin yanmış cəsədini 1992-ci il martın 21-də çətinliklə Ağdam Rayon Milis şöbəsinin köməkliyilə almaq olur.
Subay idi.
Azərbaycan Respublikası Prezidentinin 7 iyun 1992 ci il tarixli 833 saylı Fərmanı ilə Behbudov Səfiyar Abuzər oğluna “Azərbaycanın Milli Qəhrəmanı” fəxri adı verilmişdir.
Bərdə rayonunun Mollalı kəndində dəfn edilmişdir. Təhsil aldığı 6 saylı orta məktəb qəhrəmanımızın adını daşıyır.
