“Qəbiristanlıqda yatmışam…” – Əri tərəfindən döyülən qadın efirdə huşunu itirdi – FOTOLAR
Azərbaycanda əri tərəfindən döyülən qadın canlı yayıma çıxıb.
ARANTV.AZ Big.az-a istinadən xəbər verir ki, bunu ATV-də yayımlanan, Zaur Baxşəliyevin aparıcılıq etdiyi “Bizimləsən” verilişinə müraciət edən Tamara deyib.
O qeyd edib ki, ərim məni hər gün döyüb, olmazın işgəncələr verib: “Ona görə də evdən qaçmışam”.
Aparıcı Tamaranın həyat yoldaşının verilişə gəlib, onu aparmaq istədiyini söyləyib.
Tamara həyat yoldaşı ilə getmək istəmədiyini, hələlik sığınma evində qalacağını söyləyib: “O, məni hər gün döyüb, təhqir edirdi. Bu gün hansı üzlə məni geri qaytarmaq istəyir? Mən onunla barışmaq istəmirəm. Onunla 8 il ailəli qaldım. Həyat yoldaşım mənə işgəncələr verdiyinə görə evə gedə bilmirdim. Ona görə də qəbiristanlıqda, qonşuların evində qalmışam. O, mənə çox zülmlər verib. 8 il ərzində dəfələrlə ona içkini atmasını söyləmişəm. O, ailəsini yox, içkini seçdi”.
Həyat yoldaşı efirdə görən Tamaranın ürəyi gedib.
Aparıcı bildirib ki, Tamaranın anası ondan imtina edib: “Dəhşətli taleyə bir baxın. Tamara uşaq olan zaman yerləşdirildiyi sığınma evinə ailə qurduqdan sonra 2 övladı ilə birlikdə yenidən qayıdır”.
