Lənkəranda qəzada xəsarət alan qadın Bakıya gətirildi
Səhiyyə Nazirliyi Lənkəranda baş verən yol-nəqliyyat hadisəsində xəsarət alanların son vəziyyəti ilə bağlı məlumat yayıb.
Nazirlikdən bildirilib ki, Lənkəran Mərkəzi Rayon Xəstəxanasında hazırda dörd nəfərin müalicəsi davam etdirilir.
Qeyd olunub ki, yaralıların vəziyyəti orta-ağır stabil qiymətləndirilir:
“Vəziyyəti ağır qiymətləndirilən və reanimasiya şöbəsinə yerləşdirilən 42 yaşlı qadın isə sanaviasiya ilə Respublika Neyrocərrahiyyə xəstəxanasına çatdırılıb. Xəstə dərhal əməliyyat olunub. Vəziyyəti ağır olaraq qalır”.
