“Sürət həddin aşılması, manevr qaydalarının pozulması halları insanları ölümə aparan faktorlardır”-Aslan Əsədov
Demək olar ki, magistral yolda və ya şəhərdaxili yollarda avtomobil qəzası xəbərinə rast gəlirik. Qəzalar artıq hər gün baş verir. Xəbər oxuduğumuz zaman belə bir təsəvvür yaranır ki, Azərbaycanın avtomobil qəzasız keçən bir günü yoxdur. Bu hadisələrdə bəzən bir, bəzənsə bütöv bir ailənin bədbəxtliyinin şahidi oluruq.
Əvvəllər nəqliyyat qəzalarına daha çox şəhərdaxili yollarda rast gəlirdiksə, bu gün artıq royanlara və kəndlərə gedən magistral yollarda da faciələrin baş verdiyi yer olub.
Mövzu ilə bağlı BiG.AZ-a danışaq nəqliyyat eksperti Aslan Əsədov bildirib ki, qəzaların sayının artmasının bir neçə səbəbi var. Bunlardan ən başlıcası surət həddinin sürücülər tərəfindən aşılmasıdır:
“Diqqətsizlik və o cümlədən yol infrasturukturunun düzgün qurulmaması da qəzaya şərait yaradan amillərdəndir. Sürət həddin aşılması, manevr qaydalarının pozulması halları insanları ölümə aparan faktorlardır.
Sürücülər və piyadalar bu vəziyyətlərdə qəza şəraitinin qurbanı olurlar. Buna görə də sürücülərimiz bu və digər formada özlərini diskriminasiya həddindən çıxmamalıdırlar.
Qəzaların qarşısını almaq üçün ilk növbədə yol hərəkəti qaydalarını mükəmməl bilən, yüksək peşəkarlıqla avtomobilləri idarə edən sürücü kontingenti yaradılamlıdır. Yol hərəkəti qaydalarına nəzarət edən şəxslər, yol infrastrukturunu nizamlayan mütəxəssislər işlərini peşəkar şəkildə görməlidirlər. Məhz bu qızıl qaydalar həyata keçirildikdən sonra avtomobil yollarında qəzaların qarşısını ala bilərik.
Artıq belə hallarda istənilən nəqliyyat vasitəsi qəza hadisəsindən sığortalanır. Əks halda qəzaların baş verməməsi üçün aparılan işlər uğursuzluqla nəticələnəcək”.
