Xocalıda kütləvi və sirli məzarlıq: soyqırım şəhidləri deyil, sən demə bunlar… EKSKLÜZİV VİDEO
ARANTV.AZ xəbər verir ki, Xocalı və Əsgəran arasında yerləşən ərazidə sirli bir qəbiristanlıq aşkar edilib.
Bu tapıntı bölgədə geniş marağa səbəb olub. Qəbiristanlıqla bağlı ilkin məlumatları Musavat.com-a təqdim edən soydaşlarımızdan biri qeyd edib ki, bu məzarların Xocalı soyqırımı ilə əlaqəsi yoxdur.
Tapılan məzarlar daha qədim dövrlərə aiddir. İlk araşdırmalara əsasən, qəbirlərdən əldə olunan bəzi zinət əşyaları onların Xocalı soyqırımı ilə əlaqəsinin olmadığını təsdiqləyir. Bu məzarlar qədim bir tarixə işıq sala bilər.
Məsələ ilə bağlı daha ətraflı tədqiqat aparılması üçün Azərbaycan Milli Elmlər Akademiyasından xüsusi bir heyətin əraziyə səfəri planlaşdırılır. Bu tapıntının Azərbaycanın tarixi irsi ilə bağlı hansı yeni məlumatlar təqdim edəcəyi maraqla gözlənilir.
Musavat.com hadisə yerindən eksklüziv video materialları təqdim edir. Videolarda qəbiristanlığın ümumi mənzərəsi, tapılan izlər və zinət əşyaları öz əksini tapıb.
Qeyd edək ki, bu qəbiristanlıqla bağlı daha ətraflı məlumat yaxın günlərdə ictimaiyyətə açıqlanacaq.
Musavat.com hadisəni izləməyə davam edəcək və yeni detallar barədə oxucularına məlumat verəcək.
