Bərdədə intellektual bilik yarışı keçirilib – FOTO
Bərdədə intellektual bilik yarışı keçirilib.
ARANTV.AZ xəbər verir ki, şəhər 5 saylı tam orta məktəbdə gənclərin təşkil etdiyi intellektual bilik yarışması keçirilib.
Öncə xalqımızın Ümummilli Lideri Heydər Əliyevin və torpaqlarımızın ərazi bütövlüyü və dövlətimizin suverenliyi naminə canlarından keçmiş bütün şəhidlərin əziz xatirəsi bir dəqiqəlik sükutla yad edilib.
Azərbaycan Respublikasının Dövlət Himni səsləndirilib.
Müzəffər Liderimiz cənab İlham Əliyevin apardığı uğurlu daxili və xarici siyasət nəticəsində əldə olunan Zəfərlər, Qələbələr bağlı məktəbin şagirdlərinin hazırladığı kompozisiya yarışmaya gözəl tədbir ovqatı bəxş edib.
YAP Bərdə rayon təşkilatının sədri Faqət Şadlinskaya partiya fəalları ilə birlikdə fəal gənclərin dəvəti ilə qatıldığı yarışmada çıxış edərək gəncləri fəallıqlarına görə və ölkə Prezidenti, xalqımızı qalib edən Qalib Liderin ətrafında sıx birliklərini yüksək qiymətləndirib, onlara bu yolda uğurlar arzulayıb. Bildirib ki, Yeni Azərbaycan Partiyasının əbədiliyini təmin edən məhz gənclərdir. Partiyamıza inam, sevgi məhz parta arxasından başlanır. Ona görə də ölkə Prezidenti cənab İlham Əliyevin rəhbərliyi altında xalq- iqtidar birliyi Azərbaycanımızı dünyaya Zəfərlər və uğurlar ölkəsi kimi təqdim edir.
Məktəbin IX sinif şagirdi, Könüllü Şagirdlər Birliyi Təşəbbüs Qrupunun rəhbəri sədri Kənan Əliyev bütün gənclər adından çıxış edərək ölkə Prezidenti, gənclərin dayağı olan Müzəffər Ali Baş Komandan cənab İlham Əliyevi ad günü münasibıtilə təbrik edib, onu çox sevdiklərini və daim ətrafında sıx birləşərək dəstəkçi olacaqlarını bildirib.
Sonda YAP Bərdə rayon təşkilatının sədri Faqət Şadlinskaya və şəhər 5 saylı tam orta məktəbin direktoru Teymur Həmidov qaliblərə diplom və qiymətli hədiyyələr təqdim ediblər.
