Gənc yaşda xəstəlikdən vəfat edən məşhurlar – Xərçəng, ürək tutması…
Xərçəng xəstəliyindən vəfat edən Əməkdar artist Aygün Hümmətovanın (Bəylər) ölümündən 1 il ötür. Sənətçi 48 yaşında Türkiyənin paytaxtı Ankara şəhərində dünyasını dəyişib.
ARANTV.AZ gənc yaşda xəstəlikdən həyatını itirən məşhurların siyahısını hazırlayıb.
Ötən gün aktyor Azər Baxşəliyev 39 yaşında vəfat edib.
Böyrək çatışmazlığından əziyyət çəkən aktyor yanvarın 1-də xəstəxanaya koma vəziyyətində daxil olub. Yanvarın 2-də ürəyi dayanıb, həkimlərin səyi ilə ürək fəaliyyəti bərpa edilib. Mərhum ötən gün süni nəfəs aparatından ayırılıb.
Anar Nağılbaz – reper ürəktutmadan 44 yaşında vəfat edib.
“Toppuş bacı” kimi tanınan aktrisa Tünzalə Əliyeva uzun sürən xəstəlikdən sonra dünyasını dəyişib. Əməkdar artist Tünzalə Əliyeva 49 yaşında xərçəng xəstəliyindən vəfat edib.
Tanınmış təşkilatçı və prodüser Nahid Emiloğlunun ölümünə səbəb ürəyində yaranan problem olub. O, 40 yaşında dünyadan köçüb.
Aşıq Azər Xanlaroğlu 35 yaşında hepatitdən vəfat edib.
Tanınmış rejissor Şahin Zəkizadə xərçəng (qan xərçəngi-leykoz) xəstəliyindən vəfat edən məşhurlardandır. O, 38 yaşında dünyadan köçüb.
Azərbaycanın tanınmış ilahiyyatçısı Hacı Şahin Həsənli 48 yaşında infarktdan həyatını itirib.
2023-cü ildə insult keçirib, ağır ürək problemləri ilə üzləşən meyxanaçı Xəyyam Əhmədli qəfil vəfat etdi.
Tanınmış aparıcı Natavan Babayeva onkoloji xəstəlikdən 45 yaşında həyata gözlərini yumub.
