Çiyələk tərkibində çoxlu vitaminlər olsa da, bəzən insan sağlamlığına zərər verə bilər. Çiyələk yay meyvəsidir. Ondan kokteyllər, şirniyyatlar və hətta salatların hazırlanmasında istifadə olunur. O, yalnız dad zövqümüzü oxşamır, eyni zamanda insan orqanizmi üçün faydalı qida maddələrinin mənbəyidir.
Çiyələk C vitamini, kalium, fol turşusu və liflə zəngindir. Bu əsas qida maddələri orqanizmin normal fəaliyyətini dəstəkləyir. Çiyələk hər hansı bir pəhrizə faydalı əlavə ola bilər, lakin onu istehlak edən insanlar bunu müxtəlif miqdarda etməlidirlər.
Kimlər çiyələkdən uzaq durmalıdır?
Sertifikatlaşdırılmamış (orqanik olmayan) çiyələk pestisid qalığı daşıya bilər. Diyetoloqlar pestisidlərin təsir riskini azaltmaq üçün insanlara orqanik çiyələk almağı tövsiyə edirlər. Lakin ənənəvi üsulla yetişdirilən məhsulların qida dəyəri, pestisidlərin yaratdığı risklərdən daha çox fayda verir.
Beta-blokatorlar – ürək xəstəlikləri zamanı həkimlər tərəfindən tez-tez təyin olunan dərmanlar – qanda kalium səviyyəsini artırır. Bu səbəbdən belə dərmanları qəbul edən insanlar kaliumla zəngin məhsulları, o cümlədən çiyələyi mülayim miqdarda istehlak etməlidirlər. Çox miqdarda kalium qəbulu böyrəkləri tam işləməyən insanlar üçün zərərli ola bilər. Əgər böyrəklər artıq kaliumu qandan çıxara bilmirsə, bu, hiperkaliyemiya – yəni qanda yüksək kalium səviyyəsi – ilə nəticələnə bilər. Bu da öz növbəsində qusma, nəfəs darlığı və sürətli ürək döyüntüsü kimi əlamətlərə səbəb ola bilər. (lent.az)
