“Yaxşı oyunla qalib gəlmək mümkündür”- Bəhlul Mustafazadə
Azərbaycan milli komandasının müdafiəçisi Bəhlul Mustafazadə Macarıstanla yoldaşlıq oyunundan öncə keçirilən mətbuat konfransında iştirak edib.
“Qafqazinfo” xəbər verir ki, 28 yaşlı futbolçu oyundan öncə fikirlərini bölüşüb:
– Sabah bizi çətin oyun gözləyir. Rəqib güclü komandadır. Onlara qarşı yaxşı oyun göstərməyə çalışacağıq.
– “Sabah”la kubok matçındakı yorğunluq Latviya ilə oyunda öz təsirini göstərdi?
– Xeyr, heç bir təsir göstərmədi.
– Macarıstanı məğlub etmək nə dərəcədə realdır?
– Məqsədimiz baş məşqçinin tapşırıqlarını yerinə yetirmək qələbə üçün çalışmaqdır. Yaxşı oyunla qalib gəlmək mümkündür.
