YAP Bərdə rayon təşkilatı tərəfindən YAP-a yeni üzv olanlara üzvlük vəsiqələri təqdim edilmişdir.
Bərdə Diaqnostika Mərkəzində YAP Bərdə rayon təşkilatı tərəfindən YAP-a yeni üzv olan səhiyyə sahəsində çalışanlara üzvlük vəsiqələri təqdim edilmişdir.
Təqdimatda təşkilatın Aparatının məsləhətçisi Əlövsət Məmmədov və rayon Mərkəzi Xəstəxanası Publik Hüquqi Şəxsin direktoru Vüsal Məmmədov çıxış edərək yeni üzvləri təbrik ediblər. Bildiriblər ki, Yeni Azərbaycan Partiyasının xalqımızın amal və məqsədlərinin eyniliyi ilə Müzəffər Liderimiz cənab İlham Əliyevin ətrafında sıx birləşərək böyük Qalibiyyət və Zəfərlər qazanması onu əsl ümumxalq partiyasına çevirmişdir və nəticədə ona üzv olmaq istəyənlərin sayı durmadan artır. Xalqımız Qalib xalqın Qalıb Lideri cənab İlham Əliyevin uğurlu siyasəti ilə Cənubi Qafqazda siyasi arenanın bayraqdarı olan Yeni Azərbaycan Partiyasının sıralarında olmağı özünün şərəf və qürur işi hesab edir. Buna görə də YAP Bərdə rayon təşkilatından Yeni Azərbaycan Partiyasına üzv olanların sayı daim artaraq yenilənir. Burada səhiyyə sahəsində çalışan ziyalıların say çoxluğu diqqət çəkir. Bu isə onların dövlətə bağlılığının ən mühüm təsdiqidir.
Sonra rayonunun səhiyyə sahəsində çalışanlarından YAP-a yeni üzv olan 83 nəfərə üzvlük vəsiqələri təşkilatın Aparatının məsləhətçiləri Əlövsət Məmmədov, Nurayə Məmmədova, Aysel Verdiyeva, rayon Mərkəzi Xəstəxanası Publik Hüquqi Şəxsin direktoru Vüsal Məmmədov, müvafıq Ərazi Partiya Təşkilatının sədri Həsən Yusifzadə tərəfindən təqdim edilib.
Həm pandemiya dövründə, həm 44 günlük Vətən müharibəsi dövründə fədakarlıqları, həm də hər zaman dövlətə, Ulu öndər Heydər Əliyev ideyalarına, YAP-a sədaqətləri ilə nümunə olan rayon səhiyyəsinin bütün kollektivini, həkimlərimizi partiya sıralarımızda görməkdən qürur duyuruq.
Yeni üzvləri bir daha ürəkdən təbrik edir və həyatda və siyasi fəaliyyətlərində uğurlar arzulayırıq!
