Avropa İttifaqı bu dəfə Rusiyanın ticarət tərəfdaşlarını hədəf alır
Avropa İttifaqı ilk dəfə olaraq Rusiyanın tərəfdaşlarına qarşı ikinci dərəcəli sanksiyalar tətbiq etməyə hazırlaşır. Musavat.com xəbər verir ki, məlumatı Brüsseldəki mənbələrə istinadən Bloomberg yayıb.
Bildirilir ki, məsələ ittifaqın xarici işlər nazirlərinin avqustun 29-30-da Kopenhagendə qeyri-rəsmi görüşündə müzakirə ediləcək. Həmin görüşdə Rusiyaya qarşı 19-cu sanksiya paketinin müzakirəsi gözlənilirdi. Bloomberg qeyd edir ki, paketə ikincili sanksiyaların tətbiqi məsələsinin daxil edilməsi müzakirə olunacaq.
Agentlik qeyd edir ki, Aİ tarixən ikinci dərəcəli sanksiyaların tətbiqinin əleyhinə olub. Bununla belə, Aİ indi Rusiyaya qarşı yeni sanksiya paketi hazırlayır, bu paket yaxın həftələr ərzində qəbul edilməlidir və görünür, Avropa İttifaqı artıq Rusiyaya qarşı mümkün birbaşa sanksiya imkanlarından tamamən istifadə edib.
Agentlik qeyd edir ki, bu ikinci dərəcəli sanksiyalar Rusiyanın sanksiyalardan yayınmaq tədbirlərinə qarşı yönəlməklə Aİ-nin sanksiyalardan yan keçmək cəhdində şübhələndiyi üçüncü ölkələrə müəyyən mal və texnologiyaların tədarükünə qoyulan qadağalardan ibarət ola bilər.
Bloomberg mənbələri qeyd edir ki, 19-cu qadağalar paketi Brüsselin “Ukraynalı uşaqları oğurlamaqda” ittiham etdiyi şəxslərin qara siyahıya salınmasını nəzərdə tutur. Rusiya uşaqları təxliyə adı altında ilhaq etdiyi Ukrayna ərazilərinə aparır, oradan isə Rusiya ərazisinə.
Bundan əlavə, Bloomberg Rusiyanın neft, qaz və bank sektorlarına qarşı yeni tədbirlər gözləyir.
Musavat.com
