İtaliya ABŞ hakimiyyəti tərəfindən makaron idxalına tətbiq edilən əlavə antidempinq tarifindən ciddi narahatlıq keçirir.
Publika.az xəbər verir ki, bu barədə ölkənin Xarici İşlər Nazirliyi məlumat yayıb.
Nazirlik qeyd edib ki, yeni rüsumlar səbəbindən ABŞ-da italyan makaron məhsullarının qiyməti demək olar ki, ikiqat artacaq. Bu səbəbdən Roma Avropa Komissiyası ilə sıx əməkdaşlıq edir ki, Vaşinqtona təzyiq göstərilsin.
Öz növbəsində, ABŞ Ticarət Nazirliyi əlavə antidempinq tarifinin tətbiqini belə izah edib: aparılan araşdırma iki böyük italyan istehsalçısının məhsulları ABŞ bazarında süni şəkildə aşağı qiymətlərlə satdığını üzə çıxarıb. Yeni tarif italyan makaronlarının qiymətini 91,74% artıracaq.
