Fəzail Ağamalı ilə vida mərasimi başa çatdı – FOTOLAR, VİDEOYENİLƏNİB

10.02.2026 Vüsal Rafiqoğlu

Milli Məclisin sabiq deputatı, Ana Vətən Partiyasının keçmiş sədri Fəzail Ağamalı ilə Heydər məscidində keçirilən vida mərasimi başa çatıb.

Musavat.com xəbər verir ki, mərhumun cənazəsi dəfn olunmaq üçün Sabunçu rayonu, Ramana qəbiristanlığına yola salınıb.

Vida mərasimində mərhumun ailə üzvləri, yaxınları, partiya nümayəndələri iştirak ediblər. Çıxış edənlər Fəzail Ağamalının Azərbaycan siyasi həyatında oynadığı rolu, uzun illər parlamentdə fəaliyyəti, prinsipial mövqeyi və siyasi mübarizədə göstərdiyi iradəni xüsusi vurğulayıblar.

***

Xəbər verdiyimiz kimi, Milli Məclisin sabiq deputatı, Ana Vətən Partiyasının keçmiş sədri Fəzail Ağamalı ötən gün 78 yaşında vəfat edib.

Musavat.com-un məlumatına görə, bu gün paytaxtdakı Heydər məscidində mərhumla vida mərasimi başlayıb.

Mərasimdə dövlət və hökumət rəsmiləri, millət vəkilləri, mərhumun ailə üzvləri və yaxınları iştirak edir.

Xatırladaq ki, Fəzail Ağamalı Türkiyədə müalicə aldığı xəstəxanada dünyasını dəyişib. O, uzun müddət idi xərçəng xəstəliyindən əziyyət çəkirdi. Mərhumun nəşi vida mərasimindən sonra öz vəsiyyətinə uyğun olaraq Suraxanı rayonu, Ramana qəsəbəsində valideynlərinin dəfn olunduğu məzarlıqda torpağa tapşırılacaq.