Bu tarixdən ABŞ Rusiyaya sanksiya tətbiq edəcək
ABŞ-ın “Skripalların işi” ilə əlaqədar Rusiyaya qarşı tətbiq edəcəyi sanksiyalar avqustun 27-də Federal Qeydiyyatda rəsmi yayımlandıqdan sonra qüvvəyə minəcək.
ARANTV.AZ Report-a istinadən bildirir ki, bunu “RİA Novosti”yə ABŞ Dövlət Departamentinin nümayəndəsi bildirib.
O qeyd edib ki, daha əvvəl “Skripalların işi” ilə əlaqədar sanksiyaların avqustun 22-də qüvvəyə minəcəyi gözlənilirdi. Lakin ABŞ hökumətinin rəsmi qəzeti olan “Federal Register”in saytında bildiriş çıxmayıb.
