Bakıda bazar yaxınlığında AVTOBUSLAR TOQQUŞDU: yaralılar var
Bakının Nizami rayonunda – “8-ci kilometr” bazarının yanında iki marşrut avtobusunun toqquşması nəticəsində 8 nəfər xəsarət alıb.
ARANTV.AZ xəbər verir ki, Səhiyyə Nazirliyindən Trend-ə verilən məlumata görə, hadisə barədə təcili tibbi yardıma çağırış saat 22:20-də məlumat daxil olub. Hadisə yerinə 5 briqada göndərilib:
“Ümumilikdə 8 nəfər hospitalizə olunub. Onların 4-ü kişi, 4-ü qadındır. 1 qadın burun sümüyünün sınığı diaqnozu ilə Kliniki Tibbbi Mərkəzə, digər 7 nəfər isə 3 saylı Şəhər Klinik Xəstəxanasına çatdırılıb”.
