Bəzən sağlamlığa faydalı birləşmələrin əksəriyyətinin meyvə və tərəvəzin içərisində deyil, qabıqlarında olduğunu eşidirik. Doğrudanmı?
Qabığı ilə yeyə biləcəyiniz bir çox meyvə və tərəvəz var. Ancaq meyvənin xarici qabığının sellülozdan daha çox qida ehtiva etdiyinə inanılır. Əslində bu belə deyil.
Meyvə və tərəvəzlərin qabıqları qida maddələri ilə doludur. Əksər meyvələrin xarici təbəqələrinin tərkibindəki piqmentlərə və pestisidlərə baxmayaraq, parlaq olmasının əsas səbəbi budur. Məsələn, qırmızı üzümün qabığında resveratol var, Bu maddə yaxşı bir antioksidant hesab olunur ki, orta dərəcədə ömrü uzada bilər.
Həm qabıqda, həm də pulpa içərisində bir çox vitamin və qidalandırıcı maddə var. Məsələn, almanı götürək. ABŞ-ın Kənd Təsərrüfatı Nazirliyinin məlumatlarına görə, böyük bir qırmızı almanın tərkibində təxminən 5 qram lif, 13 milliqram kalsium, 239 milliqram kalium və 10 milliqram C vitamini var.
Qabığı soyularsa, meyvədə yenə də təxminən 3 qram lif, 11 milliqram kalsium, 194 milliqram kalium, çox sayda C vitamini və digər mineral maddələr olacaqdır.
Başqa bir nümunə şirin kartofdur. Tədqiqatçılar, 100 qramlıq qabığı ilə bişmiş şirin kartofun tərkibində 2 qram protein, 3 qram lif və 20 milliqram C vitamini olduğunu söyləyirlər. Bişirmə zamanı əhəmiyyətli maddələrin bir hissəsi itsə də, müəyyən qədəri qorunub saxlanılır.
Qabıq sizi çox narahat etmirsə, onu yemək daha yaxşıdır. Ancaq bunu etmək istəmədiyiniz vəziyyətdə yalnız içərisini yeməklə də vitaminlər qəbul etmiş olacaqsınız.
