“Xarici kvalifikasiyaların (diplomların) tanınması qaydalarına dəyişikliklərlə bağlı layihə hökumətə verilib. Yaxın gələcəkdə diplomların tanınması başqa formata keçəcək”.
ARANTV.AZ-ın məlumatına görə, bunu Təhsildə Keyfiyyət Təminatı Agentliyinin İdarə Heyətinin sədri Eldar Orucov deyib.
O bildirib ki, yeni layihədə qismən tanınma anlayışı olacaq:
“Məsələn, tələbə Rusiyada təhsil alıb və həmin fakültədə norma 240 kreditdir, bizdə isə o fakültə üzrə göstərici 340 kreditdir. Onun diplomu qismən tanınacaq. Həmin şəxsə şərait yaradılacaq ki, kreditini tamamlamaq üçün Azərbaycanda təhsil alsın. Bundan sonra həmin şəxsin əmək bazarına çıxışı təmin ediləcək”.
