“Kənd Təsərrüfatına Göstərilən Dövlət Yardımının Səmərəliliyini və Effektivliyini Artırmaq üçün Kənd Təsərrüfatı Nazirliyinin Potensialının Artırılması üzrə Tvinninq” layihəsi çərçivəsində nazirlik yanında Aqrar Kredit və İnkişaf Agentliyinə subsidiya siyasətinin sadələşdirilməsi ilə bağlı tövsiyələr təqdim edilib.
ARANTV.AZ xəbər verir ki, bunu layihənin bağlanış mərasimində çıxış edən daimi tvininq müşaviri Rikardo Passero deyib.
“Layihədə ümumilikdə 47 ekspert iştirak edib. Layihə çərçivəsində mövcud subsidiya siyasətini izah və təhlil etməyə çalışdıq, bir sıra kompenentlər təqdim etdik. 1-ci kompenent subsidiyalarla bağlıdır”, – deyə o, qeyd edib.
Bundan başqa, müşavirin sözlərinə görə, layihə çərçivəsində aqro turizm və heyvandarlıqla bağlı da təkliflər irəii sürülüb: “Heyvandarlıqda 4 sahə müəyyən etdik. Bunlar qoyunçuluq, maldarlıq, camışçılıq və arıçılıqdır. Azərbaycan yavaş-yavaş heyvandarlıqla bağlı alternativ tədbirlər təklif edir. Biz də çalışdıq ki, bəzi tədbirlər təklif edək. Məsələn, necə edə bilərik ki, fermerlər qoyun sürülərini dayanıqlı saxlaya bilsinlər. Bir fermada 14-15 baş heyvan nəzərə alınmaqla təhlil apardıq. İllik istehsalı müəyyən etdik. Belə nəticəyə gəldik ki, məhz baytarlıq xidməti belə fermer təsərrüfatlarında ildə bir dəfə yoxlama keçirməlidir. Heyvanlar qeydiyyatdan keçməlidir. Onların saxlanma şəraiti təmin edilməli, qorunub-saxlanılmalıdır. Ümumiyyətlə, sektoru inkişaf etdirəcək standartları nəzərə alırıq”.
