Telefonu gecə saatlarında, enerji yığarkən yanınızda qoymaq vərdişi təhlükəli nəticələrə səbəb ola bilər.
Lent.az xəbər verir ki, divanda və ya çarpayıda cihazları enerji ilə doldurmaq vərdişinin yanğın kimi fəlakətlərə səbəb olma ehtimalı var.
Mütəxəssislər deyirlər ki, smartfonun enerji yığarkən bərk bir şeyin üzərində olması vacibdir. Məsələn, bir masa və ya yataq masasında, lakin mütləq yumşaq mebeldə deyil.
Enerji doldurarkən mobil cihazın akkumulyatoru çox qızır, ona görə də qadcetin altındakı material da isinir.
Bundan əlavə, təsadüfən smartfon şarj edərkən yastıq və ya yorğan altında ola bilər və belə bir vəziyyətdə havasız mühitdə yerləşən telefon tamamilə sıradan çıxa bilər.
Doldurma qurğuları çox nadir hallarda yanır. Ancaq belə bir risk hələ də mövcuddur.
Smartfonun batareyasının tam boşaldılması onun uzunmüddətli perspektivdə işinə də mənfi təsir göstərəcək.
Müasir telefonlar batareya ehtiyatını doldurmaq üçün xatırlatma funksiyası ilə təchiz olunub. Adətən 20 faiz şarjla açılır.
Bildirilir ki, şarj müntəzəm olaraq və orta dəyərlər daxilində doldurulduqda smartfonlar daha yaxşı işləyir və batareyanın xüsusiyyətlərini daha uzun müddət saxlayır.
