Xalq artisti Tariyel Qasımov Bakıdan köçməsinin səbəbini açıqlayıb.
Bu barədə o, “Elgizlə izlə”də danışıb.
Sənətçi deyib ki, bunun səbəbi teatrdan ayrılması olub:
“Mən Ağstafada yaşayıram. Gənc Tamaşaçılar Teatrında çalışmışam, indi də portretimi asıblar oradan. Deməli, teatra yeni direktor gələndə dedi ki, yaşlı adamlar ərizə yazsın getsin.
Bildim ki, mənə deyir. Mənim 86 yaşım olur, özümü o yaşda hiss etmirəm deyə, dilimə gətirmirəm. Deyən kimi ərizə yazın, birinci mən yazdım. Əvvəla aktyorun tabutu teatrdan götürülməlidir. Belə şey yoxdur ki, yaşlı adamlar çıxsın. Çıxmağıma peşman deyiləm, özüm ərizə yazmışam, indi istirahət edirəm. Onda baş direktor Naidə İsmayılzadə idi, baş rejissor da Mehriban Ələkbərzadə… İkisi də eyni sözü dedi. Mən çıxdım”. (Olay)
