Saatlı rayonunda minik avtomobili su kanalına aşıb, sürücü xəsarət alıb.
Hadisə Saatlı rayonunun Kamallı kəndindən keçən hissəsində qeydə alınıb.
İmişli sakini Şükürov Rauf Bəxtiyar oğlu idarə etdiyi 99-UK-638 dövlət nömrə nişanlı “Opel” markalı minik maşını ilə hərəkətdə olarkən idarəetməni itirib və avtomobil yoldan çıxaraq su kanalına aşıb.
Avtomobilin içərisində sıxılmış vəziyyətdə qalan sürücü xilasetmə qüvvələri tərəfindən çıxarılaraq təcili tibbi yardım briqadasına təhvil verilib. O, Saatlı Rayon Mərkəzi Xəstəxanasına yerləşdirilib.
Faktla bağlı araşdırma aparılır./Qafqazinfo.az/
