1 SENTYABRDAN QƏRAR QÜVVƏYƏ MİNƏCƏK
Avropa İttifaqı 2025-ci il sentyabrın 1-dən etibarən tərkibində TPO (trimetilbenzoyl difenilfosfin oksid) olan dırnaq gel dırnaq boyalarının satışını və istifadəsini tam şəkildə qadağan edir. Bu maddə UV və LED lampalar altında gelin bərkiməsini təmin edir. Avropa İttifaqı orqanları bu oksidin sağlamlığa zərərli olduğunu açıqlayıb. Maddə sonsuzluq riski və dəri qıcıqlanması kimi fəsadlar yarada bildiyindən, həm müştərilər, həm də bu məhsullarla işləyən ustalar üçün təhlükəlidir.
Qadağa həm peşəkar, həm də ev şəraitində istifadəyə şamil olunur. Sentyabrın 1-dən bu məhsulların istifadəsi və saxlanması qəti şəkildə qadağandır. Bu səbəbdən ustalar və istehlakçılar dərhal məhsulları dövriyyədən çıxarmalı və təhlükəsiz alternativlərlə əvəz etməlidir.
Qeyd edək ki, sentyabrdan etibarən isə Avropa İttifaqı ölkələrində gözəllik salonları, satış məntəqələri və idxalçı şirkətlərdə ciddi yoxlamalar keçiriləcək.
